Xarici İşlər Nazirliyi Ramil Səfərovun azadlığa buraxılması ilə bağlı Macarıstanın Azərbaycana göndərdiyi notaya cavab verəcək. Bu barədə XİN-in mətbuat xidmətinin rəhbəri Elman Abdullayev Modern.az-a bildirib ki, Macarıstanın göndərdiyi notaya cavab olaraq nazirlik rəsmi məlumat yayacaq.
Qeyd edək ki, Macarıstanın xarici işlər üzrə dövlət katibi Jolt Nemet sentyabrın 2-də Azərbaycanın bu ölkədəki səfiri Vilayət Quliyevlə görüşərək Ramil Səfərovun əfv edilməsi ilə bağlı narahatlıqlarını bildirib və bu ölkənin diplomatik notasını səfirə təqdim edib.
Anar RÜSTƏMOV
