Ermənistanda Azərbaycan prezidenti İlham Əliyevin hər yeni açıqlaması təşviş yaradır.
Modern.az Ermənistan KİV-nə istinadən xəbər verir ki, “Çiçəklənən Ermənistan” partiuyasının üzvü, deputat Taron Simonyan İlham Əliyevin Azərbaycanın hərbi qüdrəti barədə verdiyi açıqlamalar, həmçinin martın 15-də Azərbaycan Ordusunun həyata keçirəcəyi genişmiqyaslı hərbi təlimlər fonunda həyəcanlı açıqlama verib.
O, Ermənistanın təcili şəkildə BMT Təhlükəsizlik Şurasına müraciət edərək yardım istəməli olduğunu deyib.
“Martın 15-16-sı tarixlərində Azərbaycan hərbçilərinin qəmli Qars müqaviləsinin 100 illiyinə həsr etdikləri hərbi təlimlər güc nümayişidir. Güc nümayişi isə güc tətbiqinə işarə olduğu üçün mənzərə tam açıqlacaq”- deyə Simonyan əlavə edib.
