8 Noyabr - Zəfər Günü münasibətilə Amnistiya Aktı Milli Məclisdə müzakirəyə çıxarılıb.
Modern.az-ın məlumatına görə, deputatların sənədlə bağlı fikirlərini bildiriblər.
Qeyd edək ki, 8 Noyabr - Zəfər Günü münasibətilə Amnistiya Aktı təşəbbüsü Azərbaycan Respublikasının Prezidenti İlham Əliyev tərəfindən irəli sürülüb. Milli Məclisə təqdim olunan amnistiyanın ümumilikdə 16 mindən çox şəxsə şamil ediləcəyi gözlənilir.
Milli Məclisin Spikeri Sahibə Qafarova çıxış edərək insan hüquq və azadlıqlarının təmin edilməsinin Prezident İlham Əliyevin siyasətinin əsas istiqamətlərindən birini təşkil etdiyini bildirib:
"2003-cü ildən bu vaxta qədər müxtəlif amnistiya və əfv sərəncamları verilib. Zəfər Günü ilə əlaqədar da Prezident İlham Əliyevin imzası ilə Milli Məclisə amnistiya elan edilməsi haqqında qərar layihəsi daxil olub”.