Modern.az saytı xəbər verir ki, Krımda keçirilmiş referendum BMT Baş Assambleyasının qəbul etdiyi qətnaməyə əsasən qanunsuz hesab olunub.
Qətnamənin qəbul olunmasına 100 ölkə lehinə, 11 ölkə isə əleyhinə səs verib. 58 ölkə bitərəf qalıb.
Qeyd edək ki, qətnamənin qəbul olunmasına Azərbaycan lehinə, Ermənistan isə əleyhinə səs verib.
Rusiyanın mövqeyini dəstəkləyən ölkələr bunlardır: Ermənistan, Belarus, Boliviya, Kuba, Şimali Koreya, Nikaraqua, Rusiya, Sudan,Suriya, Venesuela, Zimbabve.
Qətnaməyə əsasən, Baş Assambleya Ukraynanın beynəlxalq səviyyədə tanınmış suverenliyi, siyasi müstəqilliyi, vahidliyi və ərazi bütövlüyünə sadiqliyini təsdiqləyib.
