Rus ordusunun yeni komandosları Krımın Rusiyaya birləşdirilməsindən sonra Sevastopoldakı Ukrayna döyüş gəmiləri də Rusiya tərəfə keçmişdi. Bunun ardınca isə Sevastopoldakı təlim görən "komando delfinlər" da Rus ordusuna keçdiyi bildirilir.
Modern.az saytının xəbərinə görə, 1960-cı illərdən bəri hərbi məqsədlər üçün Krımın Sevastopol şəhərində təlim görən 100-ə yaxın delfin də artıq Rus ordu sıralarında qulluq edəcək.
Son dərəcə gizli icra edilən proqram çərçivəsində komando delfinlər, açıq dənizdə patrul, dəniz hədəflərinə hücum, düşmənin mina və balıq adamların məhv edilməsi kimi vəzifələrdə istifadə olunurlar.
1960-cı illərdən bəri aparılan delfin proqramı 1990-cı illərdə Sovet İttifaqının dağılmasından sonra Ukraynanın nəzarətində qalmışdı.
