Modern.az saytı Fövqəladə Hallar Nazirliyinin rəsmi saytına istinadən məlumat verir ki, Biləsuvar rayonu, Səmədabad kəndində pambıq zavodunun ərazisində 70 kv.m sahəyə yığılmış 55 ton pambıq kiplərinin 0.4 tonu yanmışdır. Pambıq kiplərinin qalan hissəsi yanğından mühafizə olunmuşdur. Yanğın saat 18:50-də yanğınsöndürənlər tərəfindən söndürülmüşdür;
Ağcabədi şəhərində vətəndaşa məxsus ümumi sahəsi 300 kv.m olan fermanın dam örtüyünün yanar konstruksiyaları 75 kv.m sahədə və içərisinə yığılmış 8 ton ot bağlamasının 6 tonu yanmışdır. Yanğın zamanı fermanın içərisində olan 1 baş iribuynuzlu heyvan tüstüdən bogularaq tələf olunmuşdur. Fermanın və ot bağlamasının qalan hissəsi yanğından mühafizə olunmuşdur. Yanğın saat 18:52-də yanğınsöndürənlər tərəfindən söndürülmüşdür.Modern.az
