Polşa Belarusla sərhəddə 10 min hərbçi yerləşdirmək niyyətindədir.
Modern.az "Unian"a istinadən xəbər verir ki, bu barədə ölkənin müdafiə naziri Mariuş Blaşçak məlumat verib.
Onun sözlərinə görə, 4 min hərbçi sərhəddə qayda-qanuna riayət olunmasına nəzarət edəcək, daha 6 min nəfər isə ehtiyatda olacaq və bacarıqlarını artıracaq.
Nazir əlavə edib ki, təxribatlar baş verəcəyi təqdirdə ölkə Belarusla bütün sərhəd-keçid məntəqələrini bağlamaq imkanını nəzərdən keçirir.
