RF Qaraçay-Çərkəz Respublikasında naməlum şəxslər yol polisi əməkdaşlarına hücum ediblər.
Modern.az Rusiya mətbuatına istinadən xəbər verir ki, polislərə partlayıcı atılıb və avtomat silahlardan atəş açılıb.
Nəticədə 2 polis əməkdaşı həlak olub, 4 asayiş keşikçisi yaralanıb. Daxili İşlər Nazirliyinin regional idarəsindən verilən məlumata görə, hücum edənlərdən 5-i cavab atəşi ilə öldürülüb.
Ölən polislərin Rusiya Daxili İşlər Nazirliyinin Kurqan vilayəti üzrə ezam olunmuş əməkdaşları olduğu bildirilir. 2 yerli yol polisi əməkdaşı, Rusiya Qvardiyasının bir əməkdaşı və Kurqan vilayətinin daha bir polisi yaralanıb.
