Füzulidə ağır yol qəzası olub, ölən və yaralananlar var.
Modern.az xəbər verir ki, ötən gün saat 17 radələrində 1992-ci il təvəllüdlü Cəlal Kərimlinin idarə etdiyi "Qazel" markalı nəqliyyat vasitəsi ilə 1978-ci il təvəllüdlü Elşən Məmmədovun idarə etdiyi "Daewoo" markalı avtomobili toqquşub.
Toqquşma nəticəsində "Daewoo" markalı avtomobil idarəetmədən çıxaraq aşıb. Nəticədə onun sərnişini - 1955-ci il təvəllüdlü Rahilə İmaməliyeva hadisə yerində ölüb. Hər iki avtomobilin sürücüləri isə müxtəlif dərəcəli bədən xəsarətləri alaraq Füzuli Rayon Mərkəzi Xəstəxanasına yerləşdiriliblər.
Faktla bağlı Füzuli Rayon Polis Şöbəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb, istintaq aparılır.
