Հայաստանը մոտակա տարիներին նախատեսում է առնվազն երեք արբանյակ արձակել ուղեծիր։
Modern.az-ը հայտնում է, որ այս մասին Փարիզում կայացած Միջազգային տիեզերական գագաթնաժողովի ժամանակ հայտարարել է Հայաստանի վարչապետ Նիկոլ Փաշինյանը։
Նրա խոսքով, արբանյակներից երկուսը կօգտագործվեն Երկրի դիտարկման, իսկ մեկը՝ հեռահաղորդակցության նպատակներով։
Փաշինյանը նշել է, որ զուգահեռաբար կստեղծվեն ցամաքային ենթակառուցվածքներ և ներքին հնարավորություններ արբանյակների կառավարման, տվյալների ստացման, մշակման և վերլուծության համար։
«Մենք նախատեսում ենք ստեղծել բաշխված ցամաքային կայանների ցանց, որը ոչ միայն կսպասարկի Հայաստանի կարիքները, այլև կաջակցի միջազգային տիեզերական առաքելություններին», – նշել է վարչապետը։
Նա հավելել է, որ Հայաստանի կառավարության 2026-2031 թվականների ծրագրում ազգային տիեզերական հնարավորությունների զարգացումը սահմանվել է որպես առանձին ռազմավարական նպատակ։
Նշենք, որ Հայաստանն իր առաջին արբանյակը՝ «ARMSAT-1»-ը, ուղեծիր է արձակել 2022 թվականին։ Մեկ տարի անց արձակվել է «HAYASAT-1» արբանյակը, որը հավաքվել և փորձարկվել է հայ մասնագետների կողմից։
