Հայաստանի վարչապետ Նիկոլ Փաշինյանը և Ղրղզստանի նախագահ Սադիր Ժապարովը Երևանում քննարկել են Հարավային Կովկասում և Կենտրոնական Ասիայում կայունության, խաղաղության և անվտանգության ամրապնդման հարցերը:
Modern.az-ը հայտնում է, որ այս մասին Փաշինյանը հայտարարել է համատեղ ճեպազրույցի ժամանակ։
Նա ասել է, որ տարածաշրջանային խաղաղության ամրապնդումը նոր հնարավորություններ է ստեղծում տնտեսական համագործակցության և տրանսպորտային կապերի զարգացման համար։
Հայաստանի կառավարության ղեկավարն ընդգծել է, որ երկու երկրների հարաբերությունները հիմնված են ժողովուրդների բազմամյա պատմական բարեկամության և փոխադարձ հարգանքի վրա։ Նրա խոսքով՝ հիմքեր կան առկա հարաբերություններին նոր բովանդակություն հաղորդելու և համագործակցության ներուժը գործնական արդյունքների վերածելու համար։
Բանակցությունների ընթացքում կարևորվել է բարձր մակարդակով կանոնավոր շփումների շարունակումը, ինչպես նաև երկու երկրների արտաքին քաղաքական գերատեսչությունների միջև համագործակցության ակտիվացումը։
Կողմերը պայմանավորվել են նաև 2027-2028 թվականներին անցկացնել երկու երկրների մշակույթի օրերը։
Բացի այդ, համապատասխան նախարարությունները ստորագրել են Սևան և Իսիկ-Կուլ լճերի պահպանության մասին հուշագիր։
Նշենք, որ սա Ղրղզստանի ղեկավարի առաջին պաշտոնական այցն է Հայաստան։
