Իսրայելի վարչապետ Բենյամին Նեթանյահուն հայտարարել է, որ առաջիկա խորհրդարանական ընտրությունների հիմնական թեման Իրանի, «Հեզբոլլահի» և ՀԱՄԱՍ-ի դեմ պայքարի ավարտն է։
Modern.az-ը հայտնում է, որ Նեթանյահուն այս մասին խոսել է իր ելույթում։
«Այս ընտրությունների հիմնական հարցն այն է, թե ով է ավարտին հասցնելու մեր սկսած գործը։ Ո՞վ է վերջ դնելու Իրանի այս ռեժիմին մեկընդմիշտ։ Ո՞վ է վերջ դնելու «Հեզբոլլահին» մեկընդմիշտ։ Ո՞վ է վերջ դնելու ՀԱՄԱՍ-ին մեկընդմիշտ»,- ասել է Իսրայելի վարչապետը։
Նեթանյահուն նաև մեղադրել է իր քաղաքական մրցակիցներին արտաքին ճնշումների ներքո նահանջելու մեջ։
«Երբ Ամերիկան նրանց ասում է «ոչ», նրանք անմիջապես նահանջում են։ Արդյո՞ք նրանք դա կանեն։ Ոչ։ Նրանք չեն անի։ Մենք ենք դա անում»,- ասել է վարչապետը։
Նեթանյահուի հայտարարությունը հնչել է Իսրայելում 2026 թվականի հոկտեմբերի 27-ին կայանալիք խորհրդարանական ընտրությունների նախօրեին։ Իսրայելի իշխող կոալիցիան հուլիսին հայտարարել էր, որ ընտրությունները կանցկացվեն այդ օրը։
Իրանի հարցը դարձել է նախընտրական քարոզարշավի հիմնական անվտանգության թեմաներից մեկը։ Օգոստոսի վերջին Նեթանյահուն նաև հայտարարել էր, որ Իրանի նկատմամբ հաղթանակը կարող է հանգեցնել ՀԱՄԱՍ-ի և «Հեզբոլլահի» վերացմանը։
Նշենք, որ վերջին հարցումների և քաղաքական գործընթացների ֆոնին Նեթանյահուն փորձում է կանխել աջ ճամբարում ձայների մասնատումը ընտրություններից առաջ։ Փոքր աջակողմյան կուսակցությունների առանձին մասնակցությունը ընտրություններին կարող է դժվարացնել նրա գլխավորած բլոկի համար խորհրդարանական մեծամասնություն ձեռք բերելը։
