Որոշվել է աշխարհագրական ուղղությունը, որտեղից կսկսվի Հայաստանի և Ադրբեջանի միջև պետական սահմանի սահմանազատման գործընթացի հաջորդ փուլը։ Արտգործնախարար Ջեյհուն Բայրամովը հայտարարել է, որ պայմանավորվածություն է ձեռք բերվել սահմանազատման աշխատանքները հյուսիսային սահմանից հարավ տեղափոխելու վերաբերյալ։ Նախարարի խոսքով՝ գործընթացը կսկսվի եռակողմ կետից, որտեղ հատվում են Ադրբեանի, Հայաստանի և Վրաստանի սահմանները։
Ո՞րն է մեր առաջին գյուղը, որը գտնվում է այն կետում, որտեղից կսկսվի գործընթացը։
Modern.az-ի ուսումնասիրության համաձայն՝ երեք երկրների պետական սահմանների հատման ռազմավարական բարձունքը (Բաբաքար լեռնաշղթա) վարչատարածքային բաժանման համաձայն ընկնում է Ղազախի շրջանի Երկրորդ Շիխլի գյուղի տարածքում։
Երկրորդ Շիխլի գյուղը իր աշխարհագրական դիրքով մեր եզակի գյուղերից է, որը սահմանակից է և՛ Վրաստանին, և՛ Հայաստանին։ Այս առումով, երկու երկրների միջև սահմանազատման գիծը փուլ առ փուլ կշարունակվի հարավ՝ դեպի Իրանի սահմանը, հենց Ղազախի այս գյուղի տարածքում գտնվող եռակողմ հատման կետից։
