“Tək mən yox, hamı vurulurdu ona. Gizlincə ürəyimdən keçirdi ki, Ay Allah, nə olardı bu da məni sevəydi”.
Modern.az xəbər verir ki, bu sözləri ARB-nin efirində yayımlanan verilişlərdən birində mərhum sənətçi Firəngiz Rəhimbəyova haqqında danışarkən Xalq artisti Valeh Kərimov deyib.
“O, respublikanın tanınmış sənətçilərindən idi. Onsuz da gözəl idi, amma güləndə-danışanda lap gözəl olurdu. Müasir geyimli, müasir qadın idi. Bizim birgə oynadığımız rol ona çox yaraşırdı. Elə bil ona yazılmışdı. Hərdən uzaqdan gəlirdi gülə-gülə. Elə yadda qaldı Fira”, - deyə Xalq artisti bildirib.
