72 saylı Yardımlı-Masallı seçki dairəsindən deputatlığa namizəd Musa Qasımlı seçicilərlə görüşlərini davam etdirir.
Modern.az xəbər verir ki, deputatlığa namizəd təbliğat- təşviqat kampaniyasını bu gün Yardımlı rayonunun Avaş və Arvana kəndlərində seçicilərlə keçirib.
Toplantıda kənd ziyalıları, Vətən uğrunda həlak olan şəhidlərin yaxınları, ağsaqqallar və gənclər iştirak ediblər. Musa Qasımlı seçicilərlə səmimi söhbət edib.
Çıxış edənlər Musa Qasımlının ötən müddətdə məktəb binasının və tibb məntəqəsinin açılışındakı iştirakını xatırladıblar. Həlli vacib olan məsələləri söyləyiblər.
Həmçinin kənd camaatı seçki günü məntəqələrə gedib Musa Qasımlıya səs verəcəklərini vurğulayıblar.
Sonda Musa Qasımlı Avaş və Arvana kənd sakinlərinə minnətdarlığını bildirib.