Ermənistandan Azərbaycanın işğal altındakı Dağlıq Qarabağ torpaqlarına çəkilən əsas yol - Gorus-Xankəndi yolu bağlanıb.
Modern.az Ermənistan KİV-nə istinadən xəbər verir ki, yol yaxın 3-4 ay ərzində bağlı qalacaq. Buna səbəb Gorus-Xankəndi yolunun uzun illər təmir olunmamasıdır.
İşlərin oktyabr ayında yekunlaşması gözlənilir. Bu müddətdə Qarabağa gələn ermənilər Vardenis-Ağdərə yolundan alternativ kimi istifadə edə biləcəklər.
Xatırladaq ki, Gorus-Xankəndi yolu 1996-cı ildə ermıni diasporunun topladığı 10 milyon dollar vəsait hesabına çəkilib. Yol Gorusla Xankəndini birləşdirir və işğal olunmuş torpaqlara Ermənistandan gələn əsas yol hesab olunur.
