ANS telekanalının tanınmış aparıcısı Afət Telmanqızı işdən çıxması ilə bağlı xəbərləri təkzib edib. Bu barədə Modern.az saytına açıqlama verən xanım jurnalist bildirib ki, o köhnə iş yerindədir.
“ANS-dəyəm, heç bir yerə getməmişəm, sadəcə efirdən uzaqlaşmışam. Çünki ANS-in Xəbərlər xidmətində məsul redaktoram. İşdən çıxmağımla bağlı deyilənlərin, mətbuatda yazılanların heç biri doğru deyil” deyə Afət Telmanqızı vurğulayıb.
Qeyd edək ki, bir müddət öncə aparıcı Afət Telmanqızının işdən çıxması ilə bağlı mətbuatda informasiyalar yer almışdı.
Aytən ƏLİYEVA
