Bu gün ermənilər Türkiyənin Moskvadakı səfirliyi qarşısında qondarma “soyqırım” şousu keçirməyə cəhd edib. Modern.az türk mətbuatına istinadən xəbər verir ki, ermənilərin moskvalıların diqqətini qondarma “soyqırım”a cəlb etmək səyləri uğursuz olub. Aksiyada cəmi 11 erməni iştirak edib. Erməniləri ərazidən qovmaq üçün isə tam 10 Moskva milisi səfərbər olunub. Bundan əlavə, meydanda “OMON”çular da gözə dəyib. Moskva milisi erməniləri səfirlik binası qarşısından qovub. Məlumata görə, milis və erməni diasporasının Moskvadakı liderləri arasında toqquşma da baş verib. Ermənilər baş tutmamış aksiyada Türkiyədən qondarma “soyqırımı” tanımağı tələb ediblər. Rusiya Erməniləri Birliyinin sədr müavini Geğam Xalatyan “Cihan” agentliyinə verdiyi açıqlamada Türkiyə-Ermənistan protokollarının ratifikasiyasının dondurulması barədə prezident Sərkisyanın qərarını dəstəklədiklərini bildirib. Xalatyan Türkiyənin protokolların imzalanması məsələsini Dağlıq Qarabağ münaqişəsinin həllinə bağlaması mövqeyinin yanlış olduğunu iddia edir.