Rusiya, Türkiyə və ABŞ baş qərargah rəhbərlərinin Antalyada üçtərəfli görüşü zamanı müzakirə olunan məsələlər açıqlanıb. Modern.az xəbər verir ki, Rusiya Müdafiə Nazirliyinin məlumatına görə, görüş zamanı Suriya və İraqda regional təhlükəsizlik müzakirə edilib.
Məlumatda bildirilir ki, martın 7-si Türkiyənin Antalya şəhərində üştərəfli görüş baş tutub: "Görüşdə Türkiyə Silahlı Qüvvələrinin Baş Qərargah rəisi ordu generalı H. Axar, Rusiya Silahlı Qüvvələrinin baş qərargahının rəisi ordu generalı V.V. Gerasimov və ABŞ Silahlı Qüvvələri qərargah rəisləri Komitəsinin sədri general D. Danford iştirak ediblər. Görüş zamanı Suriya və İraqda regional təhlükəsizlik məsələləri üzrə fikir mübadiləsi aparılıb".
Qeyd olunur ki, bütün tərəflər insidentlərin qarşısını almaq üçün əməliyyatlar zamanı əlavə tədbirlərin vacibliyini vurğulayıblar.
Modern.az
