26 may 2018, Şənbə
Ana Səhifə - REPORTAJ - Şəhid polkovnikin xanımından haqq dünyasına MƏKTUB: “Sən kabinet yox, səngər zabiti oldun!”
Şəhid polkovnikin xanımından haqq dünyasına MƏKTUB: “Sən kabinet yox, səngər zabiti oldun!”
05.04.2017, 09:57

Bu il gələn aprel məni keçən ilki qədər sevindirmədi. Keçən il apreldə içdiyim şərbətin dadı damağımda qaldı.  Mən və mənim xalqım o şərbətə çox tamarzıydı... Ötən il aprelin 2-dən 5-nə kimi Vətən torpağına səpilən şəhid qanları Vətəni qürürlandırdı...  Ancaq Vətənə qurban gedən oöullar elə-belə canlar deyil... O canlar neçə canlardan ayrıldı... O canlar neçə insanın canını, ürəyini yana-yana qoyub getdi...

Biz televiziya ekranlarının qabağında həyəcanla QƏLƏBƏ, QALİBİYYƏT xəbərinə sevinəndə, oğullarından, ərlərindən, atalarından, qardaşlarından xəbər gözləyənlərin bağrı yanıb kül oldu... Onlar bizim kimi sevinə bilmədilər. Bizim isə bir gözümüz gülüb, biri ağladı...


Dünənki gecədən  danışacam.  Telefonuma zəng gəldi.  Ötən ilin 4  aprelində səhər saat 06:30 dəqiqədə Talış yüksəkliyində şəhadətə qovuşmuş kəşfiyyat korpusunun komandiri,  polkovnik Vüqar Yusifovun həyat yoldaşı Lalə idi. Yenə üşəndim, yenə titrədim. Şəhid ailələrinin anaları, gəlinləri, bacıları zəng edəndə əlim-ayağım yerdən üzülür, kiçilirəm, param-parça oluram.  Çünki onlara təsəlli verməyə, ovutmağa söz tapmıram.  Vüqar həmişəlik gedəndən sonra bağrı qan olan Lalə yenə utancaq bir səslə dedi: “Bir neçə saatdan sonra Vüqardan ayrılmağımın düz 1 ili tamam olacaq... Bilmədim neyləyim, dərdimi kiminlə bölüm, sizə zəng etdim... Vüqarı  sonuncu dəfə martın 28-i evdən yola salmışdım... Bu il martın 28-i gələndən özümə yer tapmıram...  Ürəyimdən keçənləri bir şagird dəftərinə köçürmüşəm. Onu Sizə çatdırmaq istəyirəm, elə bu gecə...”.


Gecənin bir aləmi, bağrı qan ağlayan .əhid xanımının dəftərini qardaşı mənə gətirdi... gecədən xeyli keçmişdi. Dəftəri açmağa ürək eləmədim. 

Bu gün açdım... vərəqlədim... Ölümündən sonra "Vətənə xidmətə görə" medalı ilə təltif edilən polkovnik Vüqar Yusifovun xanımı haqq dünyasında olan həyat yoldaşına çox şeylər yazıb.

Modern.az saytı şəhidin həyat yoldaşı Lalə xanımın məktubunu təqdim edir. Lalə yazır:



“Martın 28-i evdən çıxanda 1 həftəyə gələcəyəm demişdin, Vüqar... O gündən bu günə gözləyirəm.  Düz 1 il keçib... Gəlmirsən axı... Mesaj yazıram... Çatmır.  Keçən il də belə idi.  Sənin yadında olmaz. Sən qaynar nöqtədə Vətəni qoruyurdun...   Xəbərlərdən bilirdik ki, müharibə başlayıb. Ancaq heç nə anlaya bilmirdim... Axı bir neçə həftə əvvəl sən 18 nəfər kəşfiyyatçınla bərabər düşmən səngəri arxasına keçib, onların bazalarını yerlə-yeksan etmişdin... Deyirdin ki, əvvəllər kənardan müdaxilə edərdiniz, indi isə gedib, məhv edib, hamınız da sağ-salamat qayıtmışdınız... Ondan sonra sənə polkovnik rütbəsi verdilər. Heç bir həftə deyildi rütbə aldığın... Yaman sevincli idin, xoşbəxt idin...

Vüqar... ay Vüqar... bax həmin o müharibə başlayan gecədən sonra heç nə hiss etmirdim, evdə havalı kimi gəzirdim.... Nəhayət ki, aprelin 3-ü 17:30-da ev telefonuna zəng etdin. Sevinclə telefonu qaldırdım. Ancaq səsin  elə yorğun, narahat idi ki... xoşum gəlmədi səsindən... Sən heç vaxt belə danışmırdın  mənimlə. Bu dəfə kobud oldun, boğuq səslə danışdın, səsindəki titrəyişi də hiss etdim... Dedin ki, mənəm, Vüqardır... kaş onda sənə sonuncu dəfə “Cannnnnn” deyəydim. Demədim. Özümü itirdim.  Sevinc dolu həyəcanla “Nə vaxt gəlirsən?” soruşdum. Yek kəlmə ilə “Mən yaxşıyam, narahat olma, özünə yaxşı bax. Gələcəyəm. Sağ ol” deyib, dəstəyi  asdın.  Sevinirdim. Sevinirdim ki, nəhayət səsini eşitdim. Əslində bu sevinci mənə səsin gətirmişdi. Səsini eşitməklə sağ olduğuna əmin olmuşdum. Amma o səsini eşidənə qədərki  ötən gün və saatlarda nələr çəkdiyimdən təkcə Allahın xəbəri oldu.  Bir az keçəndən sonra yenə televiziyadan, internetdən şəhid xəbərləri gəlməyə başladı... Yenə narahatlıq, yenə nigarançılıq, bir gözüm güldü ki, uşaqları qorxutmayım, bir gözüm isə ağladı... Qərarsız idim. Otaqlar məni yeyirdi...  Bizim evliliyimizdən  10 ildən çox vaxt keçmişdi. Heç vaxt bu qədər qərarsız olmamışdım. Sabahdan qorxurdum. Açılacaq sabahdan qorxurdum.

04.04.2016... O müdhiş gün.  Səhəri dirigözlü açdım. Mürgüləyəndə  bayrağa bükülmüş tabut  göründü gözlərimə... Diksindim. Sonra saat 12:30-u göstərir... Axır ki, susan telefona zəng gəldi. Danışan sən deyildin. Kimsə dedi ki “Vüqar yoxdur, onu itirdik...”.

Qışqırıram, nalə çəkirəm, səsim divarları silkələyir... saçlarımı yoluram... Allaha etiraz edirəm... Yoooooxxxxx... ola bilməz... yox, mənim və sənin arzuların yarımçıq qala bilməz...  axı bizim üç gözəl balamız var... mən sənsiz neyləyərəm... Göz yaşları içərisində qəh-qəhə ilə gülürəm... Səni çağırıram... Sonra toxtayıb ətrafıma baxıram... Heç nə anlaya bilmirəm.... Bu necə ola bilər? Necə ola bilər ki, Vüqar olmasın... İndi mən neyləyim? Hara gedim, kimdən istəyim səni... Vüqar, kaş bu xəbər yalan olsun... Axı sən həmişə gedəndə qayıdırdın... Axı sən  bir zabit kimi nə qədər əsgərə cavabdehsən, sən gör nəqər əsgərin böyüyüsən, onları necə başsız qoya bilərsən... axı sən onları bizdən də çox istəyirdin.... Bəlkə... Bəlkə... bəlkə necə olur ki?...  Birdən   qəhrmanlıqların, fədakarlıqların yadıma düşür... fikirləşirəm ki, həəəəə.... axı Vüqar heç vaxt arxada gizlənə bilməzdi... yəqin  yenə durub qabağa keçib... yəqin yenə də öndə olmaq istəyib...

Vüqar, ay Vüqar... Nə olar, heç olmasa ötən bir ildə bu gün səsimə səs ver... Bu gün aprelin 4-ü 2017-ci ildir. Səhərdir... 1 il bundan əvvəl də səni belə gözləyirdim... Eynən bugünkü kimi.... yenə havalanmışam... Ancaq indi qışqırmıram... səsimi içimdə boğuram ki, evdə uşaqlar acımasınlar...


Heç bilirsənmi nələr oldu, səndn sonra?!  6 yaşlı Aytən donub... ona bir söz demək olmur, hətta cizgi filmində bir kəpənəyin ölməsini belə, görəndə ağlayır... ağlamağa bəhanə gəzir.  Sənin şəhadət xəbərin gələndə Kənana deyirmiş ki,  dayı mən ağlamıram ki, şəhidlər inciməsin. Axı atam da şəhiddir. Yoxsa qayıdıb gəlməz. Bu sözləri gülə-gülə deyirmiş, ancaq gözlərindən gülə-gülə yaş tökürmüş... Bunu mənə  Kənan dedi sonralar. Bax o gün bu gün Aytən sənsizliyə öyrəşə bilmir Vüqar.

Bu gün əllərimi Tanrıya açıb yalvarıram ki, aprelin 4-ü tez bitsin, tez keçsin...dözmək olmur.... başa düşürsən məni.... daha tükənmişəm, dözə bilmirəm...

Sən mənim birincim, həyatımın incisi idin... Sənin yazdığın məktublardakı sətirlərdə, özündən sonra qalan birincilik medallarında, sertifikat, diplomlarında axtarıram nəfəsini, əl izlərini... Türkiyədə, Amerikada... hər yerdə birinci... Ölümə də birinci atıldın... Sən  kabinet polkovniki olmadın.... sən səngər polkovniki oldun.  Həlak olnada da  sənin cansız bədənini səngərdən səcdə etdiyin halda götürmüşdülər. Səngərdə də torpağa səcdə edib dayanmışdın.  Azad etdiyin, yenicə ələ keçirdiyin səngərdə... Gör bir, uca Tanrım səni nə qədər sevirmiş ki, 1992-ci ildən sonra səngərdə ölən ilk polkovnik oldun. Tanrı bu birinciliyi də sənin qismətinə yazdı...

Məkanın cənnət olsun, cənnət quşum... Gözün arxada qalmasın... Mənə əmanət etdiyin 3 balanı sənin adına layiq böyüdəcəm.... Vüqar, ay Vüqar , heç olmasa, indi de, eşidirsən məni...”.


... Bu gün aprelin 5-dir. Vuqar Yusifov, Raquf Orucov,  Təbriz  , Orxan, Elnur... həmin səhər  aprel ayının 4-ü səhər  dan yeri yenicə açılanda  şəhidlik məqamına yetişmişdilər.  Onları  aprelin 5-i  Azərbaycan elliklə dəfn etdi.  Onlar bizə Qalibiyyət şərbətini ilk dadızdıran qəhrəmanlarımızdırlar. Biz yenə də o şərbətdən içmək istəyirik.  Biz yenə o aprelə qayıtmaq istəyirik... Əslində bundan sonra  ötən ilin aprelini  hər il yada salacağıq. O aprel bizim şərəf, başucalıq tariximizdir. O apreldən bu aprelə qədər bizim çoxumuz hardasa  ötən ilin 2-5 aprelində şəhid olanları, onların ailələrini unuda bildik. Dünya əzəldən belədir. Ölənlər ölmək  olmur.  Biz o şəhidi olan ailələrdən bir köynək uzağıq axı. Nə qədər desək də ki, yanıb yaxılırıq, bir şəhid anası, bir şəhidin dul qalmış gəlini qədər yanan-yaxılan deyilik...

Aida Eyvazlı


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Rusiyanın ən məşhur tarixi əsərini zədələdilər   
26.05.2018, 23:18

Rusiyanın ən məşhur tarixi əsərini zədələdilər  

Rusiya Türkiyəyə milyard dollar ödəyəcək
26.05.2018, 23:09

Rusiya Türkiyəyə milyard dollar ödəyəcək

Sumqayıtda qadın vurulan iynədən ölüb
26.05.2018, 22:58

Sumqayıtda qadın vurulan iynədən ölüb

“Real”, yoxsa “Liverpul”: Çempion kim olacaq? 
26.05.2018, 22:50

“Real”, yoxsa “Liverpul”: Çempion kim olacaq? 

Dünyada hər il 5,4 milyon insanı ilan sancır
26.05.2018, 22:46

Dünyada hər il 5,4 milyon insanı ilan sancır

Bu ölkədə  "YouTube”  qadağan edildi
26.05.2018, 22:27

Bu ölkədə  "YouTube”  qadağan edildi

Prezident İlham Əliyev: "Son 15 il ərzində ölkəmizə 230 milyard dollar sərmayə cəlb edə bilmişik"
26.05.2018, 22:23

Prezident İlham Əliyev: "Son 15 il ərzində ölkəmizə 230 milyard dollar sərmayə cəlb edə bilmişik"

Lütfi Zadənin xatirəsinə həsr edilən tamaşanın premyerası olub
26.05.2018, 22:13

Lütfi Zadənin xatirəsinə həsr edilən tamaşanın premyerası olub

Müəllimlərə şad xəbər: maaşları artırılacaq   
26.05.2018, 22:00

Müəllimlərə şad xəbər: maaşları artırılacaq  

Yəməndə milli barışıq elan edilir
26.05.2018, 21:43

Yəməndə milli barışıq elan edilir

Gədəbəydə bıçaqlanma - Yaralı xəstəxanada öldü
26.05.2018, 21:31

Gədəbəydə bıçaqlanma - Yaralı xəstəxanada öldü

Azərbaycan içki ixracını iki dəfə azaldıb
26.05.2018, 21:19

Azərbaycan içki ixracını iki dəfə azaldıb

İlham Əliyev ADA Universitetində keçirilən məzun günündə iştirak edib
26.05.2018, 21:00

İlham Əliyev ADA Universitetində keçirilən məzun günündə iştirak edib

Bu ölkədə abortun ləğvi üçün referendum keçirilir
26.05.2018, 20:44

Bu ölkədə abortun ləğvi üçün referendum keçirilir

Türkiyədə AXC-nin 100 illiyi münasibətilə poçt markası buraxılıb
26.05.2018, 20:37

Türkiyədə AXC-nin 100 illiyi münasibətilə poçt markası buraxılıb

Peskov Putinin yuxusuz gecələrindən danışıb
26.05.2018, 20:31

Peskov Putinin yuxusuz gecələrindən danışıb

Siyəzəndə sərnişin avtobusu mikroavtobusla toqquşub - yaralananlar  var 
26.05.2018, 20:19

Siyəzəndə sərnişin avtobusu mikroavtobusla toqquşub - yaralananlar  var 

Ramazanın on birinci gününün – DUASI VƏ TƏQVİMİ
26.05.2018, 20:15

Ramazanın on birinci gününün – DUASI VƏ TƏQVİMİ

Özbəkistan prezidenti İlham Əliyevə təbrik məktubu göndərib
26.05.2018, 17:56

Özbəkistan prezidenti İlham Əliyevə təbrik məktubu göndərib

AXCP funksionerləri maliyyə fırıldağında ittiham olunur - RƏSMİ
26.05.2018, 17:37

AXCP funksionerləri maliyyə fırıldağında ittiham olunur - RƏSMİ

Ərdoğan avro və dollardan imtina etməyə ÇAĞIRDI
26.05.2018, 17:33

Ərdoğan avro və dollardan imtina etməyə ÇAĞIRDI

İtaliya prezidenti İlham Əliyevi təbrik etdi
26.05.2018, 17:08

İtaliya prezidenti İlham Əliyevi təbrik etdi

Həbsxanada yanğın: 9 uşaq öldü
26.05.2018, 17:02

Həbsxanada yanğın: 9 uşaq öldü

Ailəsi onu axtarır – FOTO
26.05.2018, 16:46

Ailəsi onu axtarır – FOTO

Suriyada nöbvəti terror: 2 ölü, 50 yaralı
26.05.2018, 16:30

Suriyada nöbvəti terror: 2 ölü, 50 yaralı

Finlandiyanın prezidenti İlham Əliyevi təbrik edib
26.05.2018, 16:23

Finlandiyanın prezidenti İlham Əliyevi təbrik edib

Qızqaçırma adam oğurluğudurmu? - POLEMİKA
26.05.2018, 16:12

Qızqaçırma adam oğurluğudurmu? - POLEMİKA

“Dostlarımdan biri vardı, biri yox...” – Xankəndi məzunlarının görüşü
26.05.2018, 15:52

“Dostlarımdan biri vardı, biri yox...” – Xankəndi məzunlarının görüşü

Şimali və Cənubi Koreya liderləri yenidən GÖRÜŞDÜ
26.05.2018, 15:41

Şimali və Cənubi Koreya liderləri yenidən GÖRÜŞDÜ

Kral ailəsi 70 ildən sonra ilk dəfə...
26.05.2018, 15:20

Kral ailəsi 70 ildən sonra ilk dəfə...

Cənubi Koreya azərbaycanlıları “AXC 100”lə bağlı geyim şousu keçirdi
26.05.2018, 15:12

Cənubi Koreya azərbaycanlıları “AXC 100”lə bağlı geyim şousu keçirdi

Gürcüstanda meyiti tapılan tələbə  intihar edibmiş - TƏFƏRRÜAT
26.05.2018, 14:51

Gürcüstanda meyiti tapılan tələbə  intihar edibmiş - TƏFƏRRÜAT

Sabah Bakıya yağış yağacaq
26.05.2018, 14:40

Sabah Bakıya yağış yağacaq

Bu ölkədə ordu çevrilişə cəhd etdi: 28 ölü
26.05.2018, 14:34

Bu ölkədə ordu çevrilişə cəhd etdi: 28 ölü

Rəsulzadə və Şəfi bəy Rüstəmbəylinin düşmənçiliyi  - TARİX
26.05.2018, 14:22

Rəsulzadə və Şəfi bəy Rüstəmbəylinin düşmənçiliyi  - TARİX

ARXİV
SORĞU
Türkiyədə səsvermə hüqüqunuz olsaydı, hansı namizədə səs verərdiniz?
Muharrem İnce (21.9%)
Meral Akşener (12.6%)
Rəcəb Tayyip Ərdoğan (57.6%)
Selahattin Demirtaş (1.64%)
Temel Karamollaoğlu (0.54%)
Doğu Perinçek (5.49%)