Lerik rayonunun Piran kəndində ölümlə nəticələnən partlayış baş verib.
Hüquq-mühafizə orqanlarından Modern.az-a verilən məlumata görə, partlayış nəticəsində 1 nəfər dünyasını dəyişib.
Bildirilib ki, Broyler fabrikinin kəsim sexində qaz sızmasından baş verən partlayış nəticəsində 1 nəfər ölüb, iki nəfər xəsarət alıb. Yaralılar Lerik rayon Mərkəzi Xəstəxanasına yerləşdirilib. Hər üç şəxs Piran kənd sakinləridir.
Hazırda faktla bağlı araşdırma aparılır...
***
Lerik rayonun Piran kəndində yerləşən və partlayışın olduğu “Lerik Broyler” MMC-nin deputat İqbal Məmmədova məxsus olduğu bildirilir.
Artıq hadisədə ölən və yaralananların adları da məlum olub.
Lerik Rayon Mərkəzi Xəstəxanasından verilən məlumata görə, hadisə nəticəsində 1982-ci il təvəllüdlü Valeh Oruc oğlu Məmmədov dünyasını dəyişib.
1978-ci il təvəllüdlü Mehman Ağamir oğlu Əliyev və 1975-ci il təvəllüdlü Akif Oruc oğlu Aslanov isə xəsarət alıb. “Lerik Broyler” MMC-nin işçiləri olan bu şəxslər Piran kənd sakinləridir...
