Azərbaycanda avtomobil parkının yaşı ilə bağlı statistika açıqlanıb.
Modern.az saytı xəbər verir ki, bununla bağlı rəqəmləri şərh edən iqtisadçı Rövşən Ağayevin sözlərinə görə, hazırda Azərbaycanda minik avtomobili parkının cəmi 12.5%-i 5 ilə qədər olan maşınlardır. 2012-2013-cü illərdə isə bu göstərici 14% ətrafında olub.
“Böhranın təzə maşın idxalını azaltması öz təsirini göstərib.
Müqayisə üçün deyim ki, 5 ilə qədər yaşı olan minik maşınlarının ümumi avtoparkda payı hazırda Rusiyada 27%, Avropada 32-33% ətrafındadı.
Azərbaycanda istismar müddəti 10 ildən çox olan maşınlarn ümumi parkda payı 67% təşkil edir. 3 il əvvəl 65% olub.
Bu göstərici Rusiyada 48%, Avropada 36% ətrafındadı...”