Modern.az

Binəqədidə təlim - “Məişət zorakılığının qarşısının alınması mexanizmləri”

Binəqədidə təlim - “Məişət zorakılığının qarşısının alınması mexanizmləri”

1 May 2018, 17:45

Binəqədi Rayon İcra Hakimiyyəti və Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə 1 may 2018-ci il tarixdə Yeni Azərbaycan Partiyasının konfrans zalında “Məişət zorakılığının qarşısının alınması mexanizmləri” adlı monotorinq qrupunun üzvləri üçün təlim keçirilib.

 

Modern.az xəbər verir ki, tədbirdə BRİH başçısının müavini Aygün Əliyeva, Komitənin Aparat rəhbəri Ceyran Rəhmətullayeva, Hüquqi təminat şöbəsinin müdiri Taliyə İbrahimova, İcra Hakimiyyəti başçısı Aparatının əməkdaşları, Rayon Hüquq-mühafizə orqanlarının nümayəndələri, bələdiyyə sədrləri, Binəqədi Rayon İcra Hakimiyyəti başçısının sahə və qəsəbə inzibati ərazi dairələri üzrə nümayəndələri, təhsil müəssisələrində fəaliyyət göstərən psixoloqlar və səhiyyə işçiləri iştirak edib.

 

BRİH başçısının müavini Aygün Əliyeva tədbiri giriş sözü ilə açaraq bildirmişdir ki, məişət zorakılığı ilə mübarizədə Azərbaycan dövləti ən müasir metodlardan yararlanmaqla bu sahədə dünyanın ən tanınmış beynəlxalq təşkilatları ilə əməkdaşlıq edir və təcrübə mübadiləsi həyata keçirir. Növbəti çıxış üçün söz Komitənin Aparat rəhbəri Ceyran Rəhmətullayevaya verildi. C.Rəhmətullayeva qeyd etdi ki, məişət zorakılığı ilə mübarizədə sosial işçilərin üzərinə böyük məsuliyyət düşür. Bu səbəbdən sosial işçilərin sayı artırılmalı və onlar cəmiyyətə inteqrasiya olunmalıdır. Daha sonra Komitənin Hüquq təminatı şöbəsinin müdiri Taliyə İbrahimova təlim xarakterli təqdimatla çıxış edib. Təqdimatda əsasən məişət zorakılığı halları ilə mübarizənin tənzimlənməsində hüquqi metodlar barədə məlumat verildi. Bundan əlavə, təlim zamanı məişət zorakılığı halları ilə mübarizə sahəsində maarifləndirmə işləri aparmaq məqsədilə Komitə tərəfindən çap edilmiş buklet və kitabçalar görüş iştirakçılarıla paylanılıb.

 

Təqdimat bitdikdən sonra görüş diskussiya şəklində davam etdi.

 

Telegram
Hadisələri anında izləyin!
Keçid et
Paşinyan Qazaxa gəldi - Ermənilər üzərinə hücum çəkdi