Arxiv
27 Sentyabr 2018, 13:59 | DİASPOR
Rusiyada deputat seçilən azərbaycanlı kimdir? - DOSYE
Bu günlərdə Rusiyanın Krasnoyarsk şəhər sakinlərinin dəstəyini qazanan soyadımız Taleh Mahmudov Krasnoyarsk şəhər Deputatlar Şurasına deputat seçilib. Taleh Mahmudov 2018-ci ildə “Единая Россия” (Vahid Rusiya) partiyasına üzv olub. 

Modern.az saytı T.Mahmudovun biqorafiyasını təqdim edir...

Taleh Sədi oğlu Mahmudov - Krasnoyarsk şəhərində yerləşən “Bionika” bərpa terapiyası klinikasının təsisçisidir. Krasnoyarskda yerli “Azərbaycan milli-mədəni muxtariyyəti” adlı ictimai təşkilatın sədridir.
 
İdman ustası, Krasnoyarsk vilayətinin Ağır Atletika Federasiyasının prezidentidir.
 
Krasnoyarsk şəhər Deputatlar Şurasının deputatıdır.
 
1961-ci il avqustun 7-də Ağsu rayonunun Göydəlləkli kəndində anadan olub. Orta məktəbi bitirəndən sonra təhsilini Bakıda maliyyə-iqtisad texnikumunda davam etdirib.
 
1979-cu ildə hərbi xidmətə çağrılıb və 1981-ci ilə qədər Xabarovskda Sovet Ordusunda xidmət edib.
1982-ci ildən indiyədək Krasnoyarsk şəhərində yaşayır və orada işləyir. Dəmir yollarının tikintisi idarəsində onun yolu iş icraçısından keçərək, tikinti-montaj idarəsinin rəisi vəzifəsinə qədər gedib çıxıb. Krasnoyarsk şəhərindəki bir sıra əhəmiyyətli memarlıq obyektləri bilavasitə T.Mahmudovun iştirakıyla tikilib, istifadəyə verilib. Onlardan “Lokomotiv” stadionunu, çoxmənzilli yaşayış evlərini, sosial təminat obyektlərlərini, Kemçuq dəmiryol stansiyasının binasını və s. misal göstərmək olar.
 
O, 1992-ci ildə Krasnoyarsk mühəndis-inşaat institutunu bitirib.
 
1998-ci ildən T.Mahmudov aktiv ictimai fəaliyyətlə məşğul olur. Onun fəaliyyəti əsasən, Azərbaycan mədəniyyəti və ənənələrinin Krasnoyarsk vilayətində qorunub saxlanması və inkişafına yönəlib.
1998-ci ildə bilavasitə onun iştirakıyla Krasnoyarskda yerli Azərbaycan milli-mədəni muxtariyyəti  ictimai təşkilatı yaradıldı. 2004-cü ildən həmin təşkilatın sədridir.
 
T.Mahmudovun rəhbərliyi altında bu təşkilat Krasnoyarsk vilayətinin, həmçinin şəhərin özünün sosial-mədəni və ictimai-siyasi həyatında daim iştirak edir. Həmvətənlərinə, o cümlədən Azərbaycandan gələnlərə kömək edir. Milli mədəni ənənələrin qorunması və tanıdılmasına çalışır.
 
2016-cı ildə T.Mahmudov Krasnoyarsk vilayətindəki Azərbaycan icmalarının nümayəndələri ilə böyük bir iş aparıb. Bu işin nəticəsində vilayətin azərvaycanlı icmalarının nümayəndələrinin konqresi keçirilib, orada yeni bir ictimai təşkilatın yaradılmasına qərar verilib – Krasnoyarsk vilayəti Regional azərbaycan milli-mədəni muxtariyyəti. Toplantı iştirakçıları yekdilliklə T.Mahmudovun sədrliyinə səs veriblər.
 
T.Mahmudovun rəhbərliyi altında muxtariyyət milli mədəniyyətin qorunması və inkişafı üçün böyük iş görür. Krasnoyarsk vilayətində və Krasnoyarsk şəhərində Azərbaycanın Respublika günü, Novruz bayramı və başqa əlamətdar günlərlə bağlı tədbirlərin keçirilməsi ənənə xarakteri alıb. Muxtariyyətin təmsilçiləri vilayətdə və şəhərdə keçirilən mədəni tədbirlərdə iştirak edirlər.
 
Azərbaycan muxtariyyətinin nəzdində uşaqlardan, həmçinin böyüklərdən ibarət bir neçə yaradıcı kollektiv də fəaliyyət göstərir. 2007-ci ildə yaradılmış “Odlar Yurdu” mahnı və rəqs ansamblı da T.Mahmudovun xidməti və fəxridir. Bu gün kollktivdə 5-25 yaş arası 100-ə qədər iştirakçı var. Ancambl Krasnoyarsk vilayətinin səhnələrində və başqa yerlərdə konsertlər verir, şəhər, ümumrusiya və beynəlxalq səviyyədə bir çox tədbirlərdə, festival və müsabiqələrdə aktiv iştirak edir. Ümumrusiya və beynəlxalq konkurs və müsabiqələrin laureatıdır. Ansamblın fəaliyyəti nəticəsindəazərbaycanlıların musiqi və rəqs incəsənəti ənənələri son illərdə Krasnoyarsk vilayətində çoxmilli mədəniyyətin ayrılmaz hissəsinə çevrilib. Bu iş region sakinlərində bizim tariximizə, vətəndaş cəmiyyətimizə rəğbət yaratmağa da öz töhfəsini verir.
 
T.Mahmudovun sayəsində Rusiyasnın azərbaycan Gənclər Təşkilatının Krasnoyarskda şöbəsi açılıb. Təşkilatın məqsədi mədəniyyət, idman, təhsil və elmi inkişaf baxımından azərbaycanlı gənclərin inkişafı, mənəvi dəyərlərin dəstəklənməsidir.
 
Azərbaycan muxtariyyətinin gənclərdən ibarət “Odlar Yurdu” adlı KVN komandası vilayətdə milli-mədəni ictimai təşkilatların komandaları arasında ən yaxşılardan biridir. 2016-cı ilin mayında “Odlar Yurdu” KVN üzrə Millətlər liqasının gümüş mükafatçısı, 2017-ci ilin noyabrında isə turnirin qalibi olub.
 
2017-ci ildə T.Mahmudovun dəstəyilə 1941-45-ci illərdə müharibədən bəhs edən “Azərbaycandan cəbhəyə” adlı kitab ərsəyə gəlib və təqdimat mərasimi keçirilib. Bu kitab vilayətin elmi-tədqiqat kitabxanasında layiqli yer tutur.
 
Azərbaycan milli-mədəni muxtariyyətinin sədri olaraq, T.Mahmudovun Krasnoyarskda başqa milli-mədəni ictimai birliklərin rəhbərlərilə sıx əlaqələri var. T.Mahmudov azərbaycanlıların ümumrusiya sosial-mədəni məkana inteqrasiyası üçün də böyük iş görür, Azərbaycanla Krasnoyarsk vilayəti arasında işgüzar və mədəni əlaqələrin qurulmasına, inkişafına töhfəsini verir.
 
İctimai fəaliyyətlə yanaşı, T.Mahmudov idman və sağlam həyat tərzinin təbliğinə də xüsusi diqqət yetirir. 2000-ci ildə onun rəhbərliyi altında Krasnoyarsk regional ictimai təşkilatı olan Ağır Atletika Federasiyası yaradılıb. İndiyə qədər federasiyaya o, rəhbərlik edir. Federasiya daimi əsaslarla fəaliyyət göstərir, şəhər və regional səviyyədə yarışlar təşkil olunur, istedadlı idmançılar yetişdirilir. Onların arasında beynəlxalq səviyyəli yarışların mükafatçıları var. Bundan əlavə, Rusiya Federasiyasının regionlarıyla bədən tərbiyəsi və idmanla bağlı sıx qarşılıqlı əlaqələr yaradılıb. Mahmudov bu fəaliyyətinə görə 2018-ci ildə təltif olunub.
 
İctimai fəaliyyətlə yanaşı, T.Mahmudov krasnoyarsk vilayətində özəl və çatımlı tibbin inkişafı istiqamətində də aktiv fəaliyyət göstərir. 2003-cü ildə o, “Bionika – bərpa terapiya klinikası” adlı MMC-ni təsis edib. Bu klinika 15 ildən çoxdur ki, Krasnoyarskda tibbi xidmətlər sahəsində uğurla fəaliyyətini davam etdirir. Krasnoyarsk vilayətinin və Krasnoyarsk şəhərinin ən böyük çoxprofilli özəl klinikalarından biri olan “”Bionika”da demək olar ki, tibbi ixtisaslaşmanın demək olar ki. bütün sahələri üzrə mütəxəssislər fəaliyyət göstərir. İnsanların keyfiyyətli cərrahiyyə yardımı ala bilməsi üçün T.Mahmudovun rəhbərliyi altında bu klinikada xüsusən cərrahiyyənin inkişafı prioritet qoyulub. Endoskopik cərrahiyyə, o cümlədən artroskopiya, histeroskopiya, diaqnostik laparoskopiya, miomektomiya və başqa cərrahiyyə əməliyyatları uğurla həyata keçirilir.
 
Krasnoyarsk şəhərində özəl klinikalardan ilk dəfə “Bionika”da 2017-ci ildə unikal tək-portlu xolesistektomiya, həmçinin eyni vaxtda laparoskopik əməliyyatlar uğurla həyata keçirilib.
 
T.Mahmudov Krasnoyarsk vilayətinin qubernatoru, vilayətin qanunverici orqanı, Krasnoyarsk şəhərinin başçısı, Səhiyyə Nazirliyi və başqa qurumlar tərəfindən tərəfindən dəfələrlə təşəkkür məktublarına, mükafatlara layiq görülüb, Dağıstanın Serqokolinsk rayonunun fəxri vətəndaşıdır.
 
BU KATEQORİYADAN OLAN DİGƏR XƏBƏRLƏR
+ Arxiv
Nazirlik it dişləmələri ilə bağlı müraciət yaydı: “Quduzluq 100% ölümlə nəticələnir!” 22 Aprel 2019, 16:03 Psixoloq onu qınayanlara cavab verdi 22 Aprel 2019, 16:03 Baytarlıq Xidmətindən qoyunlar və keçilərlə bağlı XƏBƏRDARLIQ 22 Aprel 2019, 15:56 Hanoyda AZƏRTAC və Yonhap informasiya agentliklərinin rəhbərləri görüşdü 22 Aprel 2019, 15:50 Deputat Siyəzəndə şəhid ailələri ilə görüşdü   22 Aprel 2019, 15:32 Həkimin səhvi jurnalistin gözünün tutulması ilə nəticələnib 22 Aprel 2019, 15:27 Məmmədyarov missiyası başa çatan səfiri qəbul etdi 22 Aprel 2019, 15:27 ABŞ səfiri Dillər Universitetində olub   22 Aprel 2019, 15:24 Azərbaycan Dövlət Mahnı və Rəqs Ansamblı birinci oldu 22 Aprel 2019, 15:21 “Azərsu” yeni elektron xidmət istifadəyə verdi   22 Aprel 2019, 15:16 Makedoniyanın Universitet rektoru Azərbaycana gəlir 22 Aprel 2019, 15:11 İşə qəbul olunmaq istəyən müəllimlərin müsahibəsinə başlanıldı 22 Aprel 2019, 15:11 Heydər Əliyev Fondu it dişləyən uşağın müalicəsinə dəstək verəcək   22 Aprel 2019, 15:09 Deputat Rüstəm Xəlilov: “İslahatlar Azərbaycanın sabahına hesablanıb” 22 Aprel 2019, 14:59 Şri-Lankadakı dəhşətli terroru hansı qruplaşma törədib? 22 Aprel 2019, 14:43 Lələtəpədə şəhid olan döyüşçülərin xatirəsi anıldı - FOTOLAR 22 Aprel 2019, 14:40 Azərbaycanəsilli Amerika yazıçısının kitabı nəşr olundu 22 Aprel 2019, 14:39 Gənclər Lenini necə tanıyır? 22 Aprel 2019, 14:33 Erməni general Manvel Qriqoryan həbsdə qalacaq 22 Aprel 2019, 14:22 Tahir İmanov arzusuna çatdı - Mərkəzi küçəyə babasının adı verildi 22 Aprel 2019, 14:15 Ukraynada seçkiləri izləyən deputat: “Problem qeydə alınmayıb” 22 Aprel 2019, 13:54 Danimarkanın ən zəngin adamı terror aktında 3 övladını itirdi   22 Aprel 2019, 13:48 İlham Əliyev Şri-Lanka Prezidentinə başsağlığı verdi 22 Aprel 2019, 13:38 Vergilər Nazirliyi: Sahibkarlar yanlışlara yol verirlər 22 Aprel 2019, 13:33 Neft son 6 ayın rekordunu QIRDI 22 Aprel 2019, 13:25 Bakı Ali Neft Məktəbinin təşkilatçılığı ilə SOCAR Forumu başladı   22 Aprel 2019, 13:16 Deputatlar Diaspor Komitəsinin 1 illik fəaliyyətinə QİYMƏT VERDİLƏR 22 Aprel 2019, 13:15 Vəkillər Kollegiyası Elinanın anasına təmənnasız  vəkil tutdu – RƏSMİ 22 Aprel 2019, 13:07 Sabah intensiv yağış olacaq - HAVA PROQNOZU   22 Aprel 2019, 13:02 İt dişləyən uşağın atası FƏRYAD ETDİ: “Həkimlər 40 gün vaxt qoyublar” 22 Aprel 2019, 12:57