"Azərbaycanda turistlər üçün "Qaynar xətt" xidməti fəaliyyət göstərəcək".
Modern.az-ın məlumatına görə, bunu Milli Turizm Sammitində çıxış edən Azərbaycan Turizm Bürosunun Qonaq təcrübəsinin idarəedilməsi departamentinin rəhbəri Vüsal Şahbazov bildirib.
V.Şahbazov əlavə edib ki, turizm məkanları, turizm fəaliyyəti və bu sahədə fəaliyyət göstərən şirkətlərin məhsulları ilə bağlı məlumatları özündə cəmləşdirən veb-portal da hazırlanacaq. Bu platformanın gələn ilin yarısında istifadəyə verilməsi planlaşdırılır.
