Modern.az saytı xərçəng xəstəliyindən əziyyət çəkən və hazırda İsraildə müalicə alan xalq şairi Vaqif Səmədoğlunun Yaxın Şərq ölkəsindəki ən son şəkillərini təqdim edir. İsraildə ona baş çəkən Azərbaycan diaspor nümayəndələri şairin səhhətinin normal olduğunu da vurğulayıb:
“İsraildə müalicə alan Azərbaycan xalq şairi Vaqif Səmədoğlu ilə görüşdük. Vaqif müəllim özünü normal hiss edir və xəstəliklə mübarizə aparır. O, bu mübarizədə İsrail həkimlərinin böyük təcrübəsini qeyd etdi”-deyə diasporumuzun nümayəndələri bildiriblər.
Şair özü isə “mən bu həkimlərə heyranam və onlara ürəkdən minnətdaram” deyərək müalicəsinin gedişindən razılığını ifadə edib.
Elmin Nuri
