İyulun 1-də ATV telekanalının vəzifə borcunu yerinə yetirən iki əməkdaşı Yasamal Rayon Hərbi Komissarlığında zabitlərin fiziki hücumuna məruz qalıb. ATV-nin Xəbərlər Departamentinin rəhbəri Vaqif Aydınoğlu Modern.az saytına deyib ki, müxbir Zaur Zahidoğlu və operator Ramin Şahbazov ciddi bədən xəsarəti alıblar. Operatora beyni silkələnməsi diaqnozu qoyulub. Məhkəmə tibbi-ekspertizinın rəyi də alınıb. Faktla əlaqədar Yasamal Rayon Polis İdarəsinin 26-cı Polis Bölməsinə müraciət olunub. 26-cı Polis Bölməısi hadisəni araşdırır. Araşdırma aparıldıqdan sonra işin Respublika Hərbi Prokurorluğuna göndəriləcəyi gözlənilir.
Mail Ağaxanov