Son illər yüksəliş dövrünü yaşayan Madridin “Atletiko” Madrid klubunun baş məşqçisi argentinalı mütəxəssis Dieqo Siemone Arda Turanla bərabər başqa bir türk futbolçunun da komandada forma geyməsini istəyir. Modern.az xəbər verir ki, bu, hazırda Şenol Günəşin çalışdırdığı “Bursaspor”un futbolçusu Ozan Tayfundur. İspaniya klubunun rəsmiləri gənc futbolçunun oyununa baxmaqdan ötrü Türkiyəyə gəlib və “Bursapor”un “Balıkesirspor”la oyununu stadiondan izləyiblər. Türkiyə mediasının iddialarına görə, “Atletiko” gənc türk futbolçu üçün “Bursaspor”a 15 milyon avro ödəməyə hazırdır. Ozan Tayfunun 2018-ci ilə qədər “Bursaspor”la müqaviləsi var.
