Azərbaycanın xarici işlər naziri Ceyhun Bayramov türkiyəli həmkarı Mövlud Çavuşoğlunun dəvətilə sabah qardaş ölkəyə səfər edəcək.
Modern.az xəbər verir ki, bu barədə Türkiyə XİN-dən məlumat verilib.
Bildirilib ki, C.Bayramov iki ölkə arasında diplomatik münasibətlərin qurulmasının 30-cu ildönümü münasibəti ilə rəsmi qəbulda iştirak edəcək. Bundan əlavə, səfər çərçivəsində keçiriləcək görüşlərdə ikitərəfli əlaqələr və regional məsələlər müzakirə olunacaq.
