Azərbaycan yığması UEFA Millətlər Liqasının qrup mərhələsində növbəti oyununu keçirib.
Modern.az xəbər verir ki, komanda C Liqasının 3-cü qrupunda Belarusla üz-üzə gəlib.
Serbiyanın Novi Sad şəhərindəki “Karadjordje” stadionunda keçirilən qarşılaşma qolsuz bərabərliklə bitib.
Qrupun digər matçında Qazaxıstan səfərdə Slovakiyaya minimal hesabla qalib gəlib - 1:0. 6 xala malik Qazaxıstan seçməsi qrupun lideridir. Slovakiyanın 3, Belarus və Azərbaycanın 1 xalı var.
Qeyd edək ki, Azərbaycan millisi növbəti görüşünü iyunun 10-da Bakıda Slovakiya seçməsinə qarşı keçirəcək.
