Birləşmiş Ərəb Əmirliklərinin dövlət poçt şirkəti olan Emirates Post Group dünyanın ən bahalı markasını təqdim edib.
Modern.az xəbər verir ki, poçt markası BƏƏ-nin yaranmasının 50-ci ildönümünü qeyd etmək üçün buraxılıb. Kolleksiyaya brendin dörd çeşidi daxildir.
Onlardan ən bahalısı Qızıl Yubiley 2021-dir. Tərkibində 1 qram qızıl var və qiyməti 550 dollardır. Birliyin Ruhu seriyası BƏƏ-nin qurucu atalarını simvollaşdırır, 2021-ci il 50-ci ildönümü ölkənin hazırkı vəziyyətini, 50-ci Yubiley Layihələri 2071 isə gələcəyini təmsil edir. Hər markanın qiyməti 68 dollar olacaq.
BƏƏ-nin yubileyi üçün poçt markaları 2021 nüsxə tirajla buraxılıb. Markanı təkcə fiziki formada deyil, həm də rəqəmsal token şəklində almaq olar.
