ABŞ Prezidenti Co Bayden NATO-nun Madriddə keçirilən sammiti çərçivəsində alyansın Baş katibi Yens Stoltenberqlə görüşüb. O, Birləşmiş Ştatların Avropada hərbi mövcudluğunu artıracağını bildirib.
Modern.az xəbər verir ki, Baydenin çıxışı NATO-nun saytında dərc olunub.
Onun sözlərinə görə, NATO bütün istiqamətlərdə - havada, quruda və dənizdə təhdidləri dəf etməyi bacarmalıdır.
Bundan əlavə, Bayden Avropaya əlavə olaraq F-35 döyüş təyyarələrindən ibarət iki eskadrilya göndəriləcəyini vurğulayıb. Qeyd olunub ki, Vaşinqton Polşada ABŞ Silahlı Qüvvələrinin 5-ci Ordu korpusunun qərargahını yerləşdirəcək.
