SSRİ-nin klassik animatoru Leonid Şvartsman 101 yaşında vəfat edib.
Modern.az xəbər verir ki, bu barədə “Soyuzmultfilm”in şef-redaktoru Sergey Vladimiroviç Kapkov bildirib.
Qeyd edək ki, Leonid (əsl adı İzrail) Aronoviç Şvartsman 1920-ci il avqustun 30-da Belarusda anadan olub. O, 2002-ci ildə Rusiyanın Xalq rəssamı fəxri adına, 2017-ci ildə isə Rusiya Prezidentinin Mükafatı laureatına layiq görülüb.
Leonid Şvartsman 70 cizgi filminin rejissoru, rəssamı və ssenaristidir. “Çeburaşka”, “Timsah gena” (“Krokodil Gena”), “38 tutuquşu”, “Balina, səni gözləyirəm” onun məşhur filmlərindəndir.
