Son 15 gün ərzində Gürcüstanda dizel yanacağının qiyməti kəskin bahalaşıb.
Modern.az xəbər verir ki, hazırda bəzi yanacaqdoldurma məntəqələrində "Eko dizel" yanacağının 1 litri 4 lari 70 tetriyə, avro dizel yanacağı isə 4 lari 90 tetriyə (2 manat 60 qəpik) satılır.
Ekspertlərin fikirincə, dizel yanacağının qiymətinin artması bir sıra amillərlə bağlıdır. Qiymət artımına ilk növbədə dünya bazarında dizel yanacağının qiymətlərinin bahalaşması səbəb olub.
Qeyd olunur ki, Rusiya-Ukrayna müharibəsi bitənə qədər neftin qiymətinin beynəlxalq bazarlarda ciddi şəkildə ucuzlaşması gözlənilmir.
