“Azəriqaz” İstehsalat Birliyinin “Açıq mikrofon” aksiyası davam edir.
Qurumdan Modern.az-a verilən məlumata görə, 14 iyul saat 11:00-da növbəti aksiya paytaxtın Xəzər rayonunda (Mərdəkan qəsəbəsi, Veteranlar Parkı), 15 iyul saat 11:00-da isə Abşeron rayonunda (Xırdalan şəhəri, Heydər Əliyev Parkı) baş tutacaq.
Vətəndaşlar qeyd olunan ünvanlara yaxınlaşaraq “Açıq mikrofon” aksiyasının imkanlarından maksimum istifadə edərək, öz problem və təkliflərini rahat şəkildə ifadə edə bilərlər.
