18 Oktyabr 2017, 12:55 | Ana Səhifə - Yazılar - Türkmən və Türk Mən - Doğrudanmı gözləriniz kordur?..
Türkmən və Türk Mən - Doğrudanmı gözləriniz kordur?..

Fazil Mustafa,
Milli Məclisin üzvü

Biz bir toplum olaraq nəyə sevindiyimizin, nəyə ağladığımızın fərqində deyilik. Tarixdən onlarla misal gətirə bilərəm ki, hansı zibillərlə qürur duymağa, hansı faydalı dəyərləri torpağa gömməklə məşğul olmuşuq. İndi də türkmənlər məsələsində verilən məllumatlara özümüzü aldadaraq sevinc içindəyik. Guya Türkmənlər azad edildi! Doğrudanmı tarix oxumursunuz, doğrudanmı gözləriniz kordur, fəhminiz köklü-dibli kortalıb?

Kərkükdə indiyədək ona görə türkmən qardaşımız ayaqda dururdu ki, oraya Türkiyənin təsiri vardı, kürdlər də o bölgədə ABŞ-ın himayəsi ilə at oynatsalar da, onlara qarşı xüsusi aqressivlik edə bilmirdilər. Çox sayda İraqlı türkmən Türkiyənin məktəblərində, universitetlərində təhsil alaraq oraya göndərilmişdilər. Türkiyənin türkmənlərlə bağlı siyasətində zaman-zaman yavşaqlıqlar olduğunu mən də qəbul edirəm, ancaq bütün hallarda onları yalnız buraxmaq deyə bir siyasət düşünülmədi heç vaxt. Sadəcə Türkiyə gücü çatanı etməyə çalışdı. Bununa belə türkmənlərin əsas düşməni əvvəlcə Səddam, ardınca indiki İraq yönətimi idi. Sadəcə Səddam dövründə də, Səddamdan sonrakı dövrdə də İraq məclislərinin və hökumətlərinin tərkibinə diqqət yetirsəniz türkmənə hansı dəyər verildiyini görərsiniz. PKK xaric, Bərzani kürdləri ilə az-çox yola gedirdilər, demoqrafik durumda kürdlərin xeyrinə ciddi dəyişikliklər olsa da, hər halda kürdlər türkmənlərlə açıq münaqişəyə Türkiyənin qorxusundan girmirdilər.

Bu ərəfədə Qərb ölkəllərininn başkəsən İslam gilyotini kimi hazırladığı, bizdə də bir çox debil müsəlman kimliyi daşıyan şəxslərin simpatiya bəslədiyi İŞİD ortaya çıxdı və qəsdən məzhəbçi zəmində türkmənlərə qarşı amansız davrandı ki, iç çatışmalar daha da şiddətlənsin. Yəni türkmənlərin əsas düşməni kürdlər deyil, Qərbin İŞİD başkəsənləri oldu. İndi isə İraq ordusu adı ilə İranın başqa bir İŞİD-dən fərqlənməyən yobaz zehniyyətə sahib qruplaşmaları guya Kərkükü azad edərək türkmənlərə verib. Bu qüvvələr İraq ordusu adı ilə bölgəyə daxil olublar, türmənlər də canlarının dərdindən soyqırım etməsinlər deyə, özlərini sevinən göstərməyə başlayıblar. Əgər Türk qüvvələri İraq ordusu adı ilə bölgəyə daxil olsaydı, sevinməyə tam əsasımız olardı. Bizim üçün türkmənin şiəsi, sünnisi, ateisti, deisti yoxdur, yalnız türk kimliyi var. Sabah türkmən qiyafəsində türkə qarşı, Türkiyəyə qarşı, Azərbaycana qarşı fars zehniyyətinin, kürd zehniyyətinin, ərəb zehniyyətinin daşıyıcısı olan çevriləcək hansısa türkməndən mənə nə?

Məni Güney Azərbaycanda yaşayan türklərə də baxışım belədir. Dini, məzhəbi, sosial durumu önməli deyil, təfəkkürcə moderndirsə, öz milli kimliyini qondarma dini kimliyindən uca tutursa, mənim müttəfiqimdir, demək ki, kimsə fətvası ilə bizə qarşı vuruşmayacaq, erməninin sıralarından bizə atəş açmayacaq, bizim sıramızda olacaq, qardaş kimi, həmvətən kimi bu Vətəni birlikdə təhlükələrdən həm güneydə, həm də quzeydə qoruya biləcəyik. Həmin Həşdi-Sabiinin babaları yüz il öncə Təbrizə də girmişdilər, nə oldu, 30 milyonluq xalq azad oldumu, öz dilində məktəb oxuya bildimi? Səttarxan o günki ağlı ilə Təbrizdən Tehrana məşrutiyyət məktubu aparanda bilgisizlikdən bunu anlamadı, bəs siz yüz il sonra da eyni bilgisizliyi necə davam etdirə bilirsiniz? Hələ türk dilini yasaqlaya-yasaqlaya rəhbərlik səviyyəsində öz dilini danışa bilməyən uşağın müti anasına da ayıb etmədən tövsiyyə edirlər ki, evdə heç olmazsa ana dilinizi öyrədin. İndi türkmən qardaşımız da Güney Azərbaycanda yaşayan qardaşımız kimi azadlığı çıxdı. Açın mollaxanalarınızı, bağlayın dünyəvi məktəblərinizi, kitabınıızı tullayıb zəncirinizi götürün əlinizə sonra da ah-nalə edin ki, əsrdən niyə geri qalmışıq. Ay Mirzə Cəlilin, Sabirin qaranlıq düşüncəsini sökə bilmədiyi soydaşım, həmvətənim.

Bu gün Azərbaycan ona görə müstəqil ola bildi, soyqırımdan qurtuldu ki, xilas etməyə türk ordusu gəldi, bəzilərinin yalandan iddia etdiyi kimi, bizdən aparmadı, Bakını, Azərbaycanı bizə verib getdi. Hətta qaniçən erməni-bolşeviklər gələndə belə Azərbaycan faktı qarşısında qaldılar, hakimiyyətinə Mirzoyanları, Kirovları gətirsələr də, xalq və ərazi faktını silə bilmədilər və yaşayaraq 18 oktyabrda bir daha tarixi fürsəti dəyərləndirib dövlət qurduq.

İndi bir sıra utanmazlar yazırlar ki, guya İraqda türkmənləri azad edən ordu gəlib Qarabağa da Azərbaycan bayrağını taxacaqlar! Bu axmaqlar anlamırlar ki, neçə illərdir həmin ordu ermənilərə hərbi, siyasi, iqtisadi dəstək verdiyinə görə indiyədək torpaqları azad etməyə gücümüz çatmır.

O Bayrağı bir zaman Qarabağa özümüz taxacağıq, ancaq hələ ki, bu ağılla, bu imanla mümkün olmur. Çünki vaxtilə Sabiri, Mirzə Cəlili doğru oxuya bilmədiyimiz kimi, indi də dünyanı, çevrəni, faydamıza olanları doğru oxuya bilmirik...

Türkmən və Türk Mən. Bir- birimizi qan testi ilə deyil, məzhəb vəsiqəsi ilə deyil, sağlam modern düşüncə ilə tanıyacağımız günə hazırlaşmalıyıq.

MÜƏLLİFİN DİGƏR YAZILARI
Zabitimizdən Paşinyana: “Bax, belə oynayarlar” 2 Dekabr 2020, 01:00 İspaniyada azarkeşlər stadionlara buraxılacaq 2 Dekabr 2020, 00:52 “Real”dan acı məğlubiyyət 2 Dekabr 2020, 00:41 Paytaxtda gənc oğlanı maşın vurdu 2 Dekabr 2020, 00:35 Eyfel bu tarixdən ziyarətə açıq olacaq 2 Dekabr 2020, 00:24 Teledərslərin bu günə olan CƏDVƏLİ 2 Dekabr 2020, 00:10 Messi Çempionlar Liqasında daha bir oyunu buraxacaq 2 Dekabr 2020, 00:00 Paşinyanın istefasını tələb edən daha 35 nəfər saxlanıldı 1 Dekabr 2020, 23:50 İŞİD Əkrəm İmamoğlunu öldürmək istədi 1 Dekabr 2020, 23:37 “Ölümün qolları güclü olsa da, Vətən məhəbbəti güclüdür ondan” - 30 yaşlı Şuşa qəhrəmanı   1 Dekabr 2020, 23:32 Əfqanıstanda Rusiya səfirliyinin avtomobili partladıldı 1 Dekabr 2020, 23:22 Ceyhun Bayramov qətərli həmkarı ilə danışdı 1 Dekabr 2020, 23:11 Almaniyada dəhşətli hadisə 1 Dekabr 2020, 23:00 Ceyhun Bayramov Çavuşoğlu ilə Laçını müzakirə etdi 1 Dekabr 2020, 22:50 Sumqayıtda mənzildə qadın meyiti aşkarlandı 1 Dekabr 2020, 22:45 Azadlıq meydanı parada hazırlaşır - FOTO 1 Dekabr 2020, 22:35 “Qarabağ” və “Zəfər” ordenləri hansı xidmətlərə görə verilir? 1 Dekabr 2020, 22:24 Laçın yolu və bu yolu açan dəmir yumruq 1 Dekabr 2020, 22:11 Ermənistanın məğlubiyyətinin “Yol xəritəsi” 1 Dekabr 2020, 21:57 “NATO Qarabağ münaqişəsinin tərəfi deyil” - Baş katib 1 Dekabr 2020, 21:32 “Vətən müharibəsində arxa cəbhədə xidmətlərə görə” medalı bu şəxslərə veriləcək 1 Dekabr 2020, 21:20 Maradonanın psixiatrının evində axtarış aparılır 1 Dekabr 2020, 21:11 İşğaldan azad edilən rayonlar üzrə təsis edilən medallar - FOTO 1 Dekabr 2020, 21:00 Nazirlər Kabineti pandemiya ilə bağlı qərarında dəyişiklik etdi 1 Dekabr 2020, 20:50 Türkiyədə koronavirusdan rekord sayda ölüm 1 Dekabr 2020, 20:42 Şuşanı azad edənlər bu medalla təltif olunacaqlar 1 Dekabr 2020, 20:29 Stalin haqqında miflər və əfsanələr 1 Dekabr 2020, 20:20 “Suqovuşanın azad olunmasına görə” medalın Əsasnaməsi təsdiqləndi 1 Dekabr 2020, 20:13 İƏT-in Baş katibi İlham Əliyevi təbrik etdi 1 Dekabr 2020, 20:04 Böyük dövlətlərin koronavirus vaksini YARIŞI 1 Dekabr 2020, 19:38 Vilyam Hacıyevin həbs müddəti daha 3 ay uzadıldı 1 Dekabr 2020, 19:23 Putinin hərbi bloku Qarabağdakı vəziyyəti müzakirə edib 1 Dekabr 2020, 19:15 Şəhid ailələri və müharibə əlillərinə hansı sosial dəstək göstərilir - SİYAHI     1 Dekabr 2020, 19:08 Azərbaycanda “Vətən müharibəsi iştirakçısı” medalı bu şəxslərə veriləcək 1 Dekabr 2020, 18:54 Almaniyada faciə: 2 ölü, 14 yaralı 1 Dekabr 2020, 18:39
SORĞU Cəbhə xəbərlərini hansı mənbədən alırsınız?