Azərbaycanın tanınmış dövlət xadimi, sabiq diplomat Hidayət Orucov vəfat edib.
Modern.az xəbər verir ki, bu barədə onun yaxınları sosial şəbəkə hesablarında məlumat yayıblar.
Bildirilib ki, Hidayət Orucov 82 yaşında dünyasını dəyişib.
Qeyd edək ki, Hidayət Orucov uzun illər dövlət idarəçiliyində və diplomatik fəaliyyət sahəsində çalışıb. O, müxtəlif illərdə Azərbaycan Respublikası Prezidentinin millətlərarası münasibətlər üzrə müşaviri, milli siyasət məsələləri üzrə dövlət müşaviri, həmçinin Dini Qurumlarla İş üzrə Dövlət Komitəsinin sədri vəzifələrini icra edib.
Hidayət Orucov 2012–2021-ci illərdə Azərbaycanın Qırğızıstandakı fövqəladə və səlahiyyətli səfiri kimi fəaliyyət göstərib.
Xatırladaq ki, Hidayət Orucov dövlət və ictimai fəaliyyətinə görə bir sıra mükafatlara layiq görülmüş, ölkənin ictimai-siyasi həyatında fəal iştirak etmiş şəxslərdən biri olub.
Allah rəhmət eləsin.
