22 İyun 2018, 14:28 | Ana Səhifə - Yazılar - Üç qızın hekayəsi
Üç qızın hekayəsi

Hidayət Elvüsal


Tarixə, məlum hadisələrə varmadan, şablondan uzaq birbaşa mətləbə keçmək istəyirəm. Ad çəkmədən, söhbət açdığım bu qızları siz də tanıyırsınız.

Amerika Birləşmiş Ştatları Prezidentinin qızı İvanka, möhtəşəm bir toplantıda çıxış edirdi. Sonsuz hörmət və səmimiyyətlə yeniyetmə bir azərbaycanlı qızı hamıya nümunə göstərdi. Hələ orta məktəb şagirdi olan qızımızın diqqəti cəlb edən ixtirasından söz açdı. Hamı soydaşımıza heyrətlə, heyranlıqla, qibtə ilə baxdı.

Bizi qürur hissi bürüdü. Bu qələbəni ən gözəl duyğularla izlədik. Yüzlərlə, minlərlə yeniyetmə arasında fərqlənən məktəbli həmin an çoxumuza bir müəllim kimi göründü.

…Bu yaxınlarda ali məktəblərin birində təhsil alan daha bir gənc qızı gördük. Hələ ikinci kursda təhsil alan bu tələbə də çox maraqlı kəşf edib. O, sellofon və plastik qab tullantılarından yanacaq alıb. Əlbəttə, indiyə qədər bunlardan quru yanacaq və ya təkrar emal üçün istifadə olunurdu. Bunun üçün yeni istehsal qurğuları da gətirilib.

Məsələ bundadır ki, tələbə qız həmin tullantılardan MAYE YANACAQ almışdı. Yəni neft, hətta benzin şəkildə. Bundan sonra ətrafımıza baxdıq. Bunun üçün kifayət qədər “xammal” olduğunu gördük.

Uğurlar diləyirik. Tələbə qız indi bu kəşfini sənədləşdirmək istəyindədir. Güman edirik ki, bu işdə ona kömək edənlər tapılacaq.

Həə… gəldik üçüncü qızın hekayəsinə. Əslində heç danışmaq istəməzdim. Amma bu müqayisədə xatırlatmaq pis olmazdı dedim.

“Sevdiyiniz” teleproqramların birinə yəqin ki, arabir baxırsınız. Müğənnilərdən tutmuş, TOY MƏRSİYƏXANLARIna kimi çoxları orada çalıb-oxuyur. Bu proqramı aparan adamın bir şakəri də var. Gənc qızları tərifləyib, onların çox gözəl şeir yazdıqlarını deyir və makrofonu uzadır. “Çox gözəl şeir yazan” qızlar şeirdən, sözdən uzaq kəlmələri yan-yana düzüb, əzilə-əzilə, büzülə-büzülə, pafosla, əttökən jestlərlə söyləyirlər. Aparıcı hamını az qala şillələyib, məcbur edir ki, bu səfeh-süfeh, dadsız-duzsuz söz yığınlarını alqışlasınlar.

Bax, son vaxtlar gördüyünüz o gənc qız da bu aparıcının təqdimatı ilə şeir adına bir yığın söz söylədi. Və elə o vaxtdan “sevdiyiniz” şou proqramda lövbər salıb oturub. Verilişdə oxuyan, qalan, danışan o qədər də qızın vecinə deyil. O, kameralara “işləyir”. Gah gözlərini süzdürür, gah ağlamsınır, gah da çiyinlərini ata-ata oturduğu yerdə dingildəyir. Yəni, gənc xanım da vizion-görüntü aclığı sindromu yaranıb və yavaş-yavaş TELEMANİYA xəstəliyinə çevrilir, özü də xroniki.

Hər verilişdə yeni paltarlar geyinir, makiyaj dəyişir. Operatorlar ən çox onu göstərirlər. Və bu “qarşılıqlı anlaşma” çox düşük, xoşagəlməz bir şəkildə ekrana yansıyır.

Hə, düz deyirsiniz, əslində üçüncü qızın hekayəsi çox uzun oldu. Neynəyək? Belələrinin həyatı da, başlarına gələ biləcək xoşagəlməz hadisələr də uzun olur. Belələri daha çox diqqət cəlb edir. Belələrini daha ciddi-cəhdlə irəli verirlər. Belələrini daha çox təbliğ edirlər. Belələrini daha çox bədbəxt edirlər…

Belə! Sizə üç qızdan söhbət açaq. İkisi ilə hamımız fəxr duyuruq. Üçüncüsü ilə…

Bax, bunları da o şoumenlərin, dələduzların, “səni məşhur edəcəm” deyib, aldadan fırıldaqçıların pəncəsindən xilas etmək lazımdır. Ən əvvəl valideynləri. Daha sonra hər kəs, hamı. Bu qız da xəyali yox, həqiqi həyata qayıda bilər. Oxuyar, təhsil alar. Ya da bir peşə sahibi olar. Həyatda öz yolunu tapar, ailə qurar, ana olar.

Daha şoularda, orda-burda xərclənib, məhv olmaz.

MÜƏLLİFİN DİGƏR YAZILARI
Prezident hərbi aerodromun AÇILIŞINDA 10 May 2021, 11:07 Coğrafiya elminə ağır itki: əbədiyyətə qovuşan Hüseyn müəllim 10 May 2021, 11:04 Xalidə Bayramova Modern.az-a danışdı: “Allah ən böyük şahidimdir” 10 May 2021, 11:01 Hacıqabul sakininindən narkotik maddə və tüfəng götürüldü 10 May 2021, 10:57 Atam illərlə uğrunda vuruşduğu bir Qələbəni gördü, amma... 10 May 2021, 10:53 Naxçıvan Beynəlxalq Hava Limanının yeni uçuş-enmə zolağının təqdimatı oldu 10 May 2021, 10:50 DSX-nin həbs edilən vəzifəli şəxsləri azadlığa BURAXILDI 10 May 2021, 10:45 İlham Əliyev Naxçıvanda səfərdədir 10 May 2021, 10:39 Azad olunan ərazilərdə “Xarı bülbül” maketləri ərsəyə gətirildi - FOTOLAR 10 May 2021, 10:33 Siyəzəndə narkotik becərən şəxs saxlanıldı 10 May 2021, 10:26 Azərbaycan qadını həyatının çox böyük bir hissəsini susur -  SABİQ DEPUTATLA MÜSAHİBƏ 10 May 2021, 10:20 Prezident və birinci xanım Heydər Əliyevin məzarını ziyarət etdilər 10 May 2021, 10:13 Ötən həftə Qarabağda 93 hektar ərazi minalardan təmizlənib 10 May 2021, 10:06 Bakıda 200 ədəd yeni ağac əkildi - FOTOLAR 10 May 2021, 10:00 Azərbaycanlı jurnalist Fransa portalında minalanmış ərazilərdən yazdı 10 May 2021, 09:53 Böyük şəxsiyyətlər və xilaskarlar unudulmur - VİDEO 10 May 2021, 09:46 Heydər Əliyev Azərbaycanın xilaskarı və qurucusudur 10 May 2021, 09:39 Ermənistan parlamenti yenidən toplaşır - Paşinyanın taleyi həll olunacaq 10 May 2021, 09:32 Qocalmanın qarşısını alan 6 MÖCÜZƏ 10 May 2021, 09:24 Bu tarixdən havanın temperaturu gündən-günə yüksələcək - RƏSMİ 10 May 2021, 09:17 DTX-dan Heydər Əliyevin ildönümü ilə bağlı PAYLAŞIM 10 May 2021, 09:10 Xəzər rayonunda 28 yaşlı gənc bıçaqlandı 10 May 2021, 09:04 Bakıda yaşayış binasında  yanğın - xəsarət alanlar var 10 May 2021, 08:58 Güclü külək Bakı-Qazax yolunun bağlanmasına səbəb oldu 10 May 2021, 08:52 Bu gündən Azərbaycanda 18 yaşdan yuxarı şəxslərə vaksin vurulacaq 10 May 2021, 08:44 Bakıda “Mercedes” YANDI 10 May 2021, 08:37 Lavrov bu gün Azərbaycana gəlir 10 May 2021, 01:19 "Sevilya"nın oyunçusu "Real"ı uduzmaqdan xilas etdi 10 May 2021, 01:11 "Yuventus" evdə darmadağın oldu 10 May 2021, 01:00 Türkiyə beşinci nəsil döyüş təyyarələri istehsal edəcək 10 May 2021, 00:55 Polislər ağac əkdilər - FOTO 10 May 2021, 00:46 Nigeriyada gəmi çevrildi - onlarla insan öldü 10 May 2021, 00:31 Bakıda maşın 4 piyadanı vurdu - ölən və yaralananlar var 10 May 2021, 00:23 500 min yəhudinin qatili erməni Salasyan 10 May 2021, 00:12 Heydər Əliyevin anadan olmasından 98 il ötür 10 May 2021, 00:01