Tanınmış jurnalist Taleh Şahsuvarlı Türkiyənin xəbər kanalı olan KRT TV-nin əməkdaşı kimi işə götürülüb. Modern.az-ın məlumatına görə, bu barədə onun özü bildirib.
“Bu gündən Türkiyənin ən yaxşı 5 xəbər kanalı arasında yer almağı bacarmış KRT TV-nin rəsmən Azərbaycan təmsilçisiyəm. Gələn həftə akreditasiya ilə bağlı sənədləri müvafiq qurumlara təqdim edəcəm”, - T.Şahsuvarlı deyib.
Taleh Şahsuvarlı Bakı Dövlət Universitetinin Sosial elmlər və psixologiya fakültəsində ali təhsil alıb. 1995-ci ildən jurnalistika sahəsində çalışır.
"Gündəlik Teleqraf" qəzetinin şef redaktoru, Aznews.az xəbər portalının baş redaktoru işləyib. O, Vətən müharibəsində zabit kimi iştirak edərək, "Ağdamın azad olunmasına görə" medalı ilə təltif olunub.