Sentyabrın 29-da Milli Dirçəliş Hərəkatı Partiyasının sədri, Millət Vəkili, Prezidentliyə namizəd Quliyev Fərəc İbrahim oğlu Beyləqan rayon seçiciləri ilə görüş keçirib.

81 saylı Beyləqan dairə seçki komissiyasının sədri Əliyev Azər, rayon polis rəisinin müavini və İcra başçısının müavini Qələndərov Məhəmməd seçicilərin Prezidentliyə namizədlə görüşünə açıq şəkildə mane olaraq hədə-qorxularla görüşə gələnləri təhdid edərək geri qaytarmağa çalışıblar. Belə ki, rayon mərkəzində suvarma sistemləri idarəsinin 18 nəfərlik akt zalında planlaşdırılmış tədbirə 600-dən çox rayon sakini gələrək Prezidentliyə namizəd Fərəc bəylə görüşmək arzudaydılar. Həddindən artıq kiçik olan bu zala gələnlərin sığması nəyinki mümkün deyildi, hətta idarənin həyətinə gələnlər yerləşmirdi. Bunu müşahidə edən yuxarıda adları sadalanan rayon rəhbərləri tədbirə gələn seçiciləri təhdid edərək bir qismini geri qaytarmağa müvəffəq olmuşlar. Bu qanun pozğunluğuna görə Fərəc bəyin səlahiyyətli nümayəndələri məsələyə müdaxilə etmişlər. Tədbirin keçirildiyi yerin yaxınlığında yerləşən cayxananı məskən tutan rayon rəhbər işçiləri səlahiyyətli nümayəndələrin suallarını cavablandıra bilməmiş, sadəcə olaraq bildirmişlər ki,  “burada YAP 32 nəfərlə görüş keçirib. Siz niyə 5-6 yüz nəfəri buraya toplamısiniz” deyə cavab veriblər. Bütün bunlara baxmayaraq Beyləqan camaatı ilə çox coşqulu bir görüş keçirildi.

Milli Dirçəliş Hərəkatı Partiyası bütün bu baş verən hadisələrlə bağlı MSK-ya və digər müvafiq orqanlara müraciət ünvanlayıb.

Modern.az