2015-ci ilin 5 ayı ərzində ABŞ polisləri 385 nəfəri öldürüblər. Modern.az-ın xarici KİV-ə istinadən verdiyi xəbərə görə, bu, hər gün təxminən 2 nəfərin öldürülməsi deməkdir. Bu həm də ötən illərin göstəricilərini geridə qoyur.
Keçmiş polis rəisinin, indi isə Vaşinqton polis fondu qeyri-hökumət təşkilatının prezidenti Cim Bumermanın fikrincə, bu göstərici ciddi şəkildə azaldılıb və polislərin törətdiyi cinayətlərin sayı daha çoxdur, onlar, sadəcə, sənədləşdirilmir.
Son zamanlar ABŞ-ın şəhərlərində polis əməkdaşlarının özbaşınalıqları ilə bağlı tez-tez qarşıdurmalar baş verir. 2014-cü ilin noyabr ayında bu cür hadisə Ferqyussonda, bu il aprelin sonunda isə Baltimorda qeydə alınıb.
Modern.az