İranın neft ixracı Amerikanın sanksiyaları təkrarən tətbiq etməsi fonunda əhəmiyyətli dərəcədə azalıb. Modern.az “RİA Novosti”yə istinadən xəbər verir ki, bunu jurnalistlərə ABŞ administrasiyasının yüksəkvəzifəli nümayəndəsi bildirib.

ABŞ rəsmisinin sözlərinə görə, söhbət ölkəsinin İranla sazişdən çıxdığı və yenidən sanksiya tətbiq etdiyi məqamdan sonra "əhəmiyyətli azalma"dan gedir.

ABŞ İranla nüvə sazişindən bitərəfli qaydada çıxıb və noyabrda 2015-ci ilə qədər Tehrana qarşı qüvvədə olan sanksiyaları, eləcə də neft və neft məhsulları ticarətinə, həmçinin, İranla tranzaksiya maliyyələşdirilməsinə olan qadağaları tam bərpa etmək niyyətindədir.