İranda güclü zəlzələ olub. Modern.az İran mediasına istinadən xəbər verir ki, 5,2 bal gücündə yeraltı təkanlar İranın cənubundakı Hürmüzgan vilayətində qeydə alınıb.
Məlumata görə, zəlzələ nəticəsində biri 17 yaşında qız olmaqla, üç nəfər yaralanıb, 15 yaşayış binası zədələnib. Zərər çəkənlərin hamısı təxliyə olunaraq xəstəxanalara yerləşdirilib.
Yeraltı təkanlar bazar günü yerli vaxtla saat 14:24-də (Bakı vaxtı ilə 14:54) qeydə alınıb. Zəlzələ ocağı yerin 10 kilometr dərinliyində yerləşib.