Qazaxıstanda ötən həftə ərzində koronavirusdan ölənlərin sayı 208 nəfər artıb. Nəticədə COVID-19 qurbanlarının ümumi sayı 793-ə yüksəlib.
Modern.az “RİA Novosti”yə istinadən bildirir ki, bu barədə ölkənin Səhiyyə Nazirliyi məlumat yayıb.
İyulun 20-nə kimi Qazaxıstanda koronavirusdan 585 ölüm halı qeydə alınmışdı. Səhiyyə Nazirliyi COVID-19-dan ölüm nəticələrinə dair həftəlik statistika yeniləməsini tətbiq edir.
Qazaxıstanda koronavirusa yoluxanların sayı 84 mindən çoxdur, 54 mindən çox insan sağalıb.
