Ermənistanın eks-prezidenti Robert Koçaryan geniş mətbuat konfransı keçirib.
Modern.az Ermənistan KİV-nə istinadən xəbər verir ki, o, baş nazir Nikol Paşinyanı satqınlıqda ittiham edib.
“Müharibə müddətində baş nazirin qərarları ilə bağlı ciddi şübhələr söylənilirdi. Bu şübhələrin heç birinə baş nazir məntiqli cavab verməyib. Bizim əsaslı şübhəmiz var ki, məğlubiyyət planlaşdırılmışdı”-deyə Koçaryan söyləyib.
Robert Koçaryan “Vətənin xilası namizə hərəkat”ı və baş nazir postuna namizəd Vazgen Manukyanı dəstəklədiyini də əlavə edib. O yeni partiya yaratmaq fikrində olmadığını əlavə edib.
