Türkiyənin zəlzələ bölgəsində axtarış-xilasetmə işləri davam etdirilir.
Modern.az xəbər verir ki, Hatayda 202 saat dağıntılar altında qalan 26 yaşlı müəllim sağ çıxarılıb.
Əminə Akgül adlı müəllim möcüzəvi şəkildə xilas edilib. Ona ilkin tibbi yardım göstərilib və xəstəxanaya yerləşdirilib.
Qeyd edək ki, Türkiyədə fevralın 6-da baş vermiş zəlzələ nəticəsində həlak olanların sayı 31 974 nəfərə çatıb.
