Türkiyədə ötən gecə baş verən aksiyada 22 yaşlı Əhməd Atakan başından aldığı zərbədən ölüb. Modern.az türkiyə mətbuatına istinadən bildirir ki, gəncin başına gözyaşardıcı qaz kapsulu dəyib. Hatay vilayətinin Antakya bölgəsində gerçəkləşən aksiya “Gəzi Parkı” hadisələrinə dəstək xarakteri daşıyıb.
Gəncin ölüm xəbərini eşidən yaxınlarının da olduğu 300 nəfərlik qrup xəstəxana qarşısında polisə hücüm edib. Polis kütləni bibər qazı ilə dağıdıb. Hazırda bölgədə gərginlik davam edir.
Qeyd edək ki, “Gəzi Parkı” hadisələrində Əhməd Atakan daxil olmaqla 6 gənc həyatını itirib.
