ABŞ prezidenti Co Bayden 2021-ci ildə Cenevrədə Rusiya prezidenti Vladimir Putinlə görüşündən danışıb.
Modern.az xəbər verir ki, o, görüş zamanı Arktikada metan emissiyasını müzakirə etdiklərini bildirib.
Baydenin sözlərinə görə, cənab Putin problemdən xəbərdar olduğunu, lakin onu necə həll edəcəyini bilmədiyini deyib.
“Mən seçiləndən sonra Cenevrədə Putinlə görüşəndə ona baxdım və o, nəsə etmək istədiyini dedi. Soruşdum: “Metanla nə edəcəksiniz?” Mən həmçinin dedim: “Sizin Arktika Dairəsində metan emissiyalarının baş verdiyi səkkiz saat qurşağınız var”, - deyə Bayden Demokratik kampaniyanın maliyyə toplama toplantısında bildirib.
Qeyd edək ki, Rusiya və ABŞ prezidentləri arasında danışıqlar 2021-ci il iyunun 16-da Villa La Qranjda baş tutub. Görüş təxminən dörd saat davam edib. Görüşdən sonra strateji silahlara nəzarətlə bağlı bəyanat qəbul edilib .
