Türkiyənin Cümhuriyyət Xalq Partiyasının (CHP) sədri Özgür Özel Milliyyətçi Hərəkat Partiyasının (MHP) sədri Devlet Bahçeliyə baş çəkəcək.
Modern.az Türkiyə mətbuatına istinadən xəbər verir ki, bu barədə CHP məlumat yayıb.
Məlumata görə, Özel saat 12:00-da Türkiyə Böyük Millət Məclisində Bahçeli ilə görüşəcək.
O, yerli seçkilərdən sonra "siyasətin yumşaldılması" çərçivəsində ilk olaraq prezident Tayyib Ərdoğanla görüşmüşdü. Özel bu çərçivədə Bahçelidən də görüş istəyib.
