Avropa İttifaqının Ermənistandakı Monitorinq Missiyasının (EUMA) hüquqi statusu ilə bağlı saziş qüvvəyə minib.
Modern.az xəbər verir ki, bu barədə Aİ-nin Monitorinq Missiyasının "X" hesabında məlumat verilib.
“Ratifikasiyanın yekun mərhələləri başa çatdıqdan sonra Aİ və Ermənistan Respublikası arasında EUMA-nın statusu haqqında Saziş – SOMA artıq qüvvəyə minib”, - paylaşımda qeyd olunub.
Xatırladaq ki, EUMA-nın hüquqi statusu ilə bağlı saziş ötən ilin noyabrında imzalanıb. Missiya iki illik mandatla 20 fevral 2023-cü ildə Ermənistan-Azərbaycan sərhədində yerləşdirilib. Silahsız, mülki Ümumi Təhlükəsizlik və Müdafiə Siyasəti (CSDP) Missiyası və Azərbaycanla beynəlxalq sərhədin Ermənistan tərəfi boyunca təhlükəsizlik vəziyyətini müşahidə edir və hesabat verir.
